यस वर्षको मनसुन नेपाल भित्रिएको छ । सरदर मितिभन्दा तीन दिन अगाडि नै आजबाट मनसुन नेपाल भित्रिएको मौसम पूर्वानुमान महाशाखाले जनाएको छ । अहिले कोसी प्रदेशमा केन्द्रित रहेको मनसुन क्रमिक रूपमा देशका अन्य भेगमा फैलिँदै जाने महाशाखाले जनाएको छ ।
सामाजिक विकास कार्यालय डोटीको सन्देश
नेपालमा सामान्यतया जुन १३ मा मनसुन भित्रिने र अक्टोबर २ तारिखमा बाहिरिने गर्दछ । तर यो तालिका सधैँ यही भने नहुने महाशाखाले जनाएको छ । जल तथा मौसम विज्ञान विभागका अनुसार यस वर्ष सरदरभन्दा बढी वर्षा र सरदरभन्दा बढी गर्मी हुने सम्भावना छ ।
सुदूरपश्चिम प्रदेशको उत्तर पश्चिम भूभाग, बागमतीको दक्षिण पूर्वी भूभाग, मधेस प्रदेशको मध्य भूभाग र कोसी प्रदेशको मध्य तथा मध्यपश्चिम भूभागमा सरदर वर्षा हुने सम्भावना ३५ देखि ४५ प्रतिशत रहेको विभागले जनाएको छ ।
कृषी ज्ञान केन्द्र बैतडीको सन्देश
महाशाखाका मौसमविद् सञ्जीव अधिकारीले आज कोसी प्रदेशमा मनसुन भित्रिए पनि नेपालको सुदूरपश्चिमसम्म फैलिन भने अझै केही दिन लाग्ने बताउनुभयो । काठमाडौँ उपत्यकासहित पश्चिम तराईका भूभागमा नियमित पानी नपर्दा गर्मी बढेको छ । पूर्वी नेपालमा मनसुन भित्रिए पनि पश्चिमतिर तातो हावाको लहर चलिरहेको र अझै केही दिनसम्म पश्चिम तराइमा तातो हावाको लहर चलिरहने सम्भावना रहेको महाशाखाले जनाएको छ । महाशाखाले जेठ २८ गतेसम्म तातो हावा चल्ने भएकाले सतर्कता अपनाउन यसअघि नै आग्रह गरिसकेको छ ।
