रित्तिदैछन् गाउँ उजाड बन्दै छ बस्ति , मलामी जाने समेत नपाइने भयो अवस्था
मंसिर महिनामा ७१ हजारभन्दा बढी नेपाली बिदेसिए
रामबहादुर देउबा (डोटी – स्वदेशमा रोजगारीको अवस्था नभए पछि हिजोआज हजारौ यूवाशक्ति विदेशी भूमिमा रगत रपसिना बगाउन बाध्य भएका छन् । रोजगारीको हकलाई नेपालको संविधानले मौलिक हकको रुपमा राखेको भएता पनि त्यो संवैधानिकहक केवल कागजमा मात्रै सीमित रहेकोछ । दैनिक गुजारा चलाने अवस्था स्वदेशमा नभ पछि बाध्यताले दैनिक जसो हजारौ यूवाजमात स्वदेश प्रति बिदाइको हात हल्लाउन बाध्य छन । कारण केवल दैनिक जीविका चलाउनका लागि मात्र ।
सायल गाउँपालिका डोटी द्वारा जनहितमा जारी सन्देश
यसरी विदेशिने यूवाजमात कोही आउछन् सास बोकेर त कोही आउछन् काठको बाकस भित्र चीरनिन्द्रा लिएर ।
भएका औेधोगिग क्षेत्रहरु धमाधम बन्दहुदा अन्य रोजगारिका अवसर सृजना गर्ने स्थान नभए पछि नेपाली यूवा जमातले बाध्यतालेनै स्वदेश छोड्नु परेको कहाली लाग्दो अवस्था देखापरेको हो ।
यसरी गाउँ नै रिता भए पछि घरमा कोही बिरामी भयो भने हेरबिचार समेत गर्ने काही नभए पछि स्वदेशमा रहेका बालबच्चा र बृद्धाहरु समस्यामा परेका हुन । यसरी हरेक क्षेत्रमा परनिर्भर्ता मात्र हुने हो भने यो देशमा अन्यकौ थरिका शासनव्यवस्था आएता पनि जनताका समस्या भने जिउकातिउ रहेका छन ।
मंसिर महिनामा ७१ हजारभन्दा बढी नेपाली वैदेशिक रोजगारीका लागि बिदेसिएका छन् ।
वैदेशिक रोजगारीमा जाने सबैभन्दा बढी धनुषा जिल्लाका रहेका छन् । जहाँबाट मंसिर महिना मात्रै पुनः श्रम स्वीकृतिसहित ३ हजार ६२१ जनाले श्रम स्वीकृति लिएका छन् । त्यस्तै दोस्रोमा झापा रहेको छ । झापाबाट ३ हजार ३९७ जनाले पुनः श्रम स्वीकृतिसहित श्रम स्वीकृति लिएका छन् ।
