“मलाई यो दृढ़ विश्वास छ, जसले तिमीहरूमा एउटा असल काम सुरु गर्नुभयो, उहाँले नै येशू ख्रीष्टको दिनमा त्यो पूरा गर्नुहुनेछ।”
फिलिप्पी 1:6
प्रिय परमेश्वरका जनहरू,
परमेश्वरले तपाईहरूको जीवन र सेवामा कहिल्यै कुनै काम सुरु गर्नुहुन्न जबसम्म उहाँले पहिले नै त्यसलाई पूरा गरिसक्नु भएको हुँदैन। उहाँले पहिले सबै कुरा तयार पार्नुहुन्छ र त्यसपछि तपाई लाई दर्शन वा वचन दिनुहुन्छ, जसले तपाईलाई सुरु गर्नुअघि नै अन्त्य देखाउनु हुन्छ । हामीमध्ये धेरैले जीवन वा सेवाका लागि दशर्न वा वचन पाएका छौं, जसको अर्थ परमेश्वरले नतिजा पहिले नै सोचिसक्नुभएको छ।
जब हामी मत्ती २८:१९ को सेवाकार्य गर्छौं, हामी हाम्रा दाजुभाइ-बहिनीहरूको सतही समस्या मात्र होइन, तिनीहरूको समस्याको मूल कारण समाधान गर्नुपर्छ। प्राय: हामी लक्षणमा ध्यान दिन्छौं, तर स्रोतमा होइन। उदाहरणका लागि, कसैको प्रार्थनापछि स्थिति ठीक देखियो भने, तर समस्या मूल कारण समाधान भएन भने, हामीले हाम्रो सेवाको काम पूरा भयो भनी सोच्छौं। तर यो सत्य होइन।
येशुले हामीलाई सही तरिका देखाउनुहुन्छ। जब उहाँले गादरिनी को मानिसलाई चंगाइ दिनुभयो, उहाँले बाहिरी लक्षणमात्र होइन, समस्या स्रोत समाधान गर्नुभयो।
हामीले पनि यस्तै गर्नुपर्छ। मानिसहरूलाई नदीमा डुब्नबाट बचाऊन तान्नमात्र पर्याप्त छैन; हामीले जानुपर्छ र किन उनीहरू बगिरहेका छन् भन्ने खोज्नुपर्छ। फिलिप्पि १:६ ले हामीलाई सम्झाउँछ कि परमेश्वरको काम पूर्ण हुन्छ। उहाँले हामीलाई मात्र बचाउनुहुन्न, तर समस्या साथै मूल कारणबाट पनि समाधान गर्नुहुन्छ।
प्रियहरु, हामीलाई परमेश्वरको जनहरूप्रति उहाँसँग जस्तो करुणा छ, त्यसै प्रकारले सेवा गर्न बोलाइएको छ। हामीले तिनीहरूलाई समस्या मूल कारण समाधान गरेर साँचो चंगाइ, उपचार र विजय अनुभव गर्न मद्दत गर्नुपर्छ। तब मात्र तिनीहरूले परमेश्वरको पूर्ण शान्ति अनुभव गर्न सक्नेछन्। परमेश्वरले तिनीहरूको जीवनमा सुरु गरेको काम हामीमार्फत पूरा गर्नुहुनेछ र तिनीहरूलाई सम्पूर्णतामा पुर्याउनुहुनेछ।
