हामीले आफ्नो समूहभित्र राम्रो नैतिकताभएका व्यक्तिहरूलाई चिन्नुपर्छ। नैतिकताको अर्थ हुन्छ—”सदाचारको व्यवहार” र कहिल्यै गलत कुरासंग जोडिएको हुँदैन। पास्टर र अगुवाहरुको रूपमा, हामी यस्तो संगती राख्न वा संलग्न हुन सक्दैनौं। यस्तो संगतिले हाम्रो जीवन मात्र होइन, हाम्रो परमेश्वरद्वारा दिइएको सेवा र पारिवारिक जीवनलाई पनि दूषित गर्नेछ। फरिसीहरूले येशूलाई आफ्नो पक्षमा खिच्न धेरै प्रयास गरे, तर येशूले संसारिक व्यवहार र विचारले आफ्नो मनलाई दूषित गर्न दिनुभएन। उहाँले नैतिकतामा अडिग रहने, आफ्नो पिताका मूल्य र नैतिकताबाट टाढा नहिचलिने निर्णय गर्नुभयो।
धनी, प्रख्यात, वा कानूनी समुदायका साथ संगत गर्ने प्रलोभन ठूलो हुनेछ। तर सेवामा रहेका हामीले यी प्रलोभनहरूलाई कहिल्यै स्वीकार गर्नु हुदैन । मानिसहरूले आफ्नो भ्रष्ट आचरणलाई कानूनी सल्लाहको भेषमा लुकाउनेछन्। तर हामीले यस्ता “गुणहरू” स्वीकार गर्नु हुँदैन।
“याद गर्नुहोस्—कानूनी रूपमा सही भनेको नैतिक रूपमा पनि सही हुन्छ भन्ने होइन।”
१ कोरिन्थी १५:३३ ले नराम्रो संगतले गर्न सक्ने नकारात्मक प्रभाव बुझाउँछ। हामीले समुदाय र मण्डलीको सेवा हुने स्थानमा नैतिक रूपमा स्वीकार्य बन्नुपर्छ। केही व्यक्तिहरूको नराम्रो संगतले हामीलाई भ्रष्ट पार्न दिनु हुँदैन। हामी परमेश्वरमा बोलाइएका छौं—उहाँमात्रलाई अंगाल्न र उहाँकै मार्गमा हिँड्न। उहाँको वचनले हाम्रो जीवनलाई मार्गदर्शन गर्छ।
हाम्रो संगत छनौट गर्ने आधार “विवेक” हो। यदि हामीले यस्तो विवेक अपनाउँदैनौं भने, हामी नैतिकताहीन संगती छनौट गर्नेछौं जसले हामी, हाम्रो सेवा, र परिवारलाई पनि दूषित गर्नेछ। परमेश्वरको संगतीभन्दा राम्रो संगती अरू कहीं छैन। सधैं उहाँसँग टाँसिरहनुहोस्। तपाईंले बलियो अन्त्य गर्नुहुनेछ।
